Mafuriko mjini Dar, hali ni mbaya

Kamanda Suleiman Kova wa kanda maalum ya Dar es salaam nchini Tanzania  amesema hali sio nzuri kutokana na kuendelea kunyesha mvua  kubwa zinazosababisha mafuriko na hivyo amewataka wananchi wachuke tahadhari kwenye makazi yao na hata wanaotembea na magari barabarani kwa sababu njia nyingi zina mashimo. Kamanda Kova  pia  amewaomba watu wapunguze mizunguko isiyo ya lazima barabarani. Takwimu zinaonyesha kuwa, takriban  watu 10 wakiwemo watoto wadogo wamepoteza maisha kutokana na mvua zinazoendelea kunyesha kwenye jiji la Dar es salaam. Mvua hizo pia zimesababisha uharibifu mkubwa wa mali na miundombinu yakiwemo madaraja makubwa yanayoliunganisha jiji la Dar es Salaam na maeneo mengine.  Nyumba nyingi zimeingia maji hasa maeneo ya mabondeni na kulazimisha familia kuhama kutoka kwenye makazi yao.

Share on Google Plus

About Dira Ya Maisha

This is a short description in the author block about the author. You edit it by entering text in the "Biographical Info" field in the user admin panel.